لا تسعى للانتقام ( فالثمار الفاسدة تسقط وحدها )
زمان فاكر إن حقى لازم آخده بإيدى وإن السكوت ضعف
وإن اللى يوجعنى لازم أوجعه زيه لحد ما عرفت الحقيقة اللى خلتنىى أفهم حاجه تانية خالص
مش كل المعارك تستاهل تدخلها ومش كل أذى محتاج رد
فيه ناس بتأذيك وتكذب وتعتمد تطلع إشاعات عشان تشوه صورتك وفى ناس بتلف وتدور وده اسلوبهم المعتاد اللى ميعرفوش يغيروا ابدا
وأنت تفتكر إنهم كسبوا الجولة و هم يفكروا إنك لما سكتّ ضعفت إنك إنهزمت وضعت
بس الحقيقة غير كده تمامًا…
أنا شوفت بعينى ناس كانت مؤذية ومغروره ومتكبره وكانت
وفاكرة نفسها ذكية جدا ووصل الموضوع معاها إنهم ممكن يغيروا الواقع
وبمرور الوقت …
بدأت الثمار الفاسدة تقع لوحدها واحده واحده من غير هواء يوقعها وبعدها تشوف العجائب
اللي كان بيضحك عليك وبيأذيك أتأذى
وساعتها فهمت … إن الانتقام الحقيقى
مش إنك ترد ولا تثبت إنك أقوى
الانتقام الحقيقى إنك تصبر وتصمت ولاترد
وإنك تحافظ على روحك وتسيب الزمن يعمل شغله
لأن اللى بيزرع أذى مش محتاجك تحاسبه هو كده كده هيحصده كامل مكمل
يمكن مش دلوقتى بس اكيد هيحصل
فلو حد ظلمك أو أذاك أو كسرك
إوعى تستهلك طاقتك فى اذيته خد نفس عميق
وإفتكر إن الثمرة اللى من جواهها فاسدة مهما فضلت فى غصنها معلقة لازم تقع وساعتها …..
هتبقى واقف بعيد وقلبك هادى وضميرك مرتاح وتعرف إنك كسبت من غير ما تدخل فى صراعات .
#كما تدين تدان
